خلاصة الدرس 🐎

١- اللهجة المستخدمة هي اللهجة البريطانية 

٢- احتمال المتحدث وهو يتكلم يتراجع عن كلامه و يغير الرأي اللي ذكره .. لا تتسرع و اختار الاجابة لما تكون سمعت الجملة كاملة

٣- في قسم الاستماع فعليا انت قاعد تسوي 3 مهارات بنفس الوقت! ( استماع - قراءة - كتابة) تحتاج تركيز قوي

٤- يوم الاختبار حاول قد ما تقدر تكون اخذت كفايتك من النوم و رايح على الاختبار مصحصح و مركز

٥- الاجوبة في قسم الاستماع حتكون مرتبة مع ترتيب المقطع ... يعني لا تدور على اجابة السؤال الرابع قبل مكان اجابة السؤال الثالث 

٦- كمان بالشريط يترك مسافة 5 ثواني 10 ثواني بين الاجوبة

٧- وقت قراءة التعليمات استغله في قراءة الاسئلة

٨- اذا لا سمح الله فاتك سؤال وانت تجاوب خلاص روح على اللي بعده 

٩- المتحدث راح تتغير نبرة صوته عند كل كلمة مهمة..حط تحتها خط لأنه اكيد راح تحتاجها بالاجوبة 

١٠- اكتب الاجابات في ورقة الأسئلة بخط سريع عشان تذكرك بالاجابة و انت تنقلها بورقة الاجوبة 

١١- حرف واحد غلط بالاجابة ممكن يخسرك الدرجة كاملة

١٢- عندك 10 دقايق بس لنقل الاجوبة (في الاختبار الورقي).. تأكد انك تكتب اجابتك صح و لا تترك اجابات فاضية ..خمن اذا ما تعرف الاجابة 

١٣- لا تنسى تاخذ نظرة سريعة على الاجوبة كلها بعد ما تكون خلصت تأكد انه ما نسيت سؤال او ما بدلت الاجوبة